Mynediad at Gofnodion Genedigaeth a Gwasanaethau Cyfryngol
Os cawsoch eich mabwysiadu gan Gymdeithas Plant Dewi Sant gallwn eich cefnogi i gael mynediad at eich cofnodion geni. Rydym hefyd yn derbyn ceisiadau am wybodaeth gan Asiantaethau Mabwysiadu eraill sy'n gweithredu ar eich rhan.
Rydym yn cynnig gwasanaeth cyfryngol i oedolion mabwysiedig a gafodd eu lleoli i’w mabwysiadu gan Gymdeithas Plant Dewi Sant ac rydym yn gobeithio cael eu hailuno ag aelodau o’r teulu biolegol. Os ydych yn byw ymhell o'n swyddfa yng Nghaerdydd efallai y byddwn yn argymell eich bod yn cysylltu ag Asiantaeth Fabwysiadu neu Wasanaeth Cyfryngol lleol i dderbyn cymorth yn lleol. Cysylltwch â ni i drafod hyn.
Mae Cymdeithas Plant Dewi Sant hefyd yn cadw rhai ffeiliau mewn perthynas â phlant a oedd yng ngofal Tŷ Nasareth ac etifeddodd yr Asiantaeth ffeiliau mabwysiadu gan Gymdeithas Menevia a ddaeth â gweithredu i ben ym 1980.
Yn ogystal, rydym yn cynnig gwasanaeth i'r bobl hynny sydd â pherthynas ragnodedig i'r rhai a fabwysiadwyd a gafodd eu lleoli i'w mabwysiadu gan Gymdeithas Plant Dewi Sant. Mae hyn yn cynnwys, ond nid yw'n gyfyngedig i, blant ac wyrion a wyresau oedolion mabwysiedig.
Os cafodd eich plentyn ei fabwysiadu trwy Gymdeithas Plant Dewi Sant gallwn gynnig cyngor i chi ar sut i fynd ati i gael mynediad at Wasanaeth Cyfryngol a chymorth trwy eich Cydweithredfa Fabwysiadu Ranbarthol leol neu Asiantaeth Cymorth Mabwysiadu.
I gael rhagor o wybodaeth neu i ofyn am fynediad at gymorth cofnodion neu wasanaeth cyfryngol, cysylltwch â ni ar 02920 667007 neu info@stdavidscs.org. Gallwch hefyd lenwi'r ffurflen gais cyswllt isod.
